إشترك
بعد رحيلها.. أحمد السعدني يكشف حكايته المؤثرة مع طليقته وهذا ما قاله عن ندمه الشديد
السعدني
صدم الفنان أحمد السعدني جمهوره بنشر صورة تجمعه بطليقته الراحلة أمل والتي توفيت بعد تعرضها لسكتة قلبية مفاجئة وكشف من خلال حسابه على فايسبوك عن ندمه الشديد على إنفصاله عنها.
وكتب النجم المصري رسالة مؤثرة قال فيها: "عمري في حياتي ما اتكلمت عن حياتي الشخصيه لكن حسيت اني لازم اعمل كده دلوقتي فذكر إن الذكري تنفع (المؤمنين) او الكافرين او المستهبلين او تنفع اي حد ححس اني عملت حاجه".
وأضاف: "في ٩/٩/٢٠٠٣ حب من اول نظرة في الشارع ما بين معهد السينما حيث كانت تدرس ومعهد فنون مسرحية حيث كنت الهو وادرس برضه ميضرش كنت راكب عربيه وكانت ماشيه على رجلها كنت حخبطها لكن حصل خير لا محصلش قوي خبطتتي هي في قلبي حب تقطيع شرايين سنة خطوبة، سنة كتب كتاب، شهر جواز، خلفه اول ولد هنا بدأت المشكله اللي بكتب الكلام ده عشانها".
وتابع: "انا زي كتير للاسف شباب anti تحمل مسؤولية بص لنسب الطلاق وانت تفهم انا بيجيلي ارتيكريه لما احس اني مسؤول وهي برضه حبيبتي زي بنات كتير بتقول طلقني اكتر مبتنطق اسمي كانت النتيجه في اول سنه بس حوالي ٤ طلاق شفهي كل الشيوخ ساعتها قالولنا ده لعب عيال الطلاق ليه شروط زي الجواز تمام اسكت بقى لا تعالي يا عم طبق الشروط ادي اول طلقه قشطه يا باشا عشت حياتك ؟ اه ...ارتحت ؟؟ لا".
وأكنل رسالته "وحشتني وحشني حنيتها وحبها وهبلها متيجي نرجع يا بت يالا يا متخلف هووب جبنا تاني ولد نفس الاحساس نفس الارتكريه بس المرادي صمود مش حينفع نتطلق تاني لا تصدق نفعت الجانب الاناني في شخصيتي غلبني يا عم كبر مخك وعيش حياتك .
وتابع "المشكلة اني عمري مارتحت كنت عايز حضنها وحنيتها وهبلها بس كنت بأجل الرجوع يمكن اكبر او اعقل او اقدر اتحمل المسئوليه بجد حددت لنفسي سن معين ارجعلها فيه قال يعني حبقي نضجت بس ملحقتش ".
واستكمل: "ماتت في لحظة كانت بتكلمني قبلها بساعة و مكنتش عيانه كان عندها ضغط زي اغلب الشعب المصري الحمد لله . ماتت ومشيت وقررت تسبني للابد كنت فاكرها حتستناني ومتاكد من ده مستحيل تحب حد غيري مجاش في بالي انها ممكن تموت دلوقتي صغيره و اكتر واحده في حياتي شفتها بتحب الحياه وعندها طاقة ايجابيه ماتت وسابتلي الولدين والندم، انا متاكد انك في الجنه رحتي للي خلقك يوم عرفه واميره وست البنات والستات ونضيفه وكريمه وصنتي ولادي وبيتي، بحبك يا امل حياتي اللي اتهد".
واختتم رسالته "بوعدك المرادي حشيل المسؤوليه للاسف اتعلمت الدرس بس بعد ما اتحرمت من حنيتك وحضنك وولادك كمان اتحرموا من احن ام ربنا يقدرني واربيهم احسن ما كنتي عايزه بحبك ومش بطلب منك غير انك تسامحيني... ربنا يرحمك ويرحمني ويرحم ولادنا يا حبيبة عمري الوحيده".
ما كتبه السعدني أثار جدل كبير على مواقع التواصل الاجتماعي، وحرص عدد كبير من النجوم على مواساته والتخفيف من أحزانه منهم عبير صبري ووفاء عامر وميس حمدان وهاني رمزي وصلاح عبدالله وشذى.
شارك
الأكثر قراءة
المجلة الالكترونية
العدد 1079 | تشرين الثاني 2024
