شهيرة تكشف ما فعله فاروق الفيشاوي في ساعاته الأخيرة... مؤثر جداً

26 تموز 2019

شهيرة

فاروق الفيشاوي

عبّرت الفنانة المصرية شهيرة عن حزنها العميق وأسفها على وفاة الفنان الراحل فاروق الفيشاوي.

وجاء هذا من خلال رسالة نشرتها على حسابها على "فايسبوك" وكشفت فيها حالته في الأوقات الأخيرة من عمره. وكتبت: "فاروق انت مشيت، هو كده خلاص يعني، يا أجدع وأحب خلق الله؟ من امبارح وأنا مش مصدقة لأن قبلها بيوم كنت عندك في المستشفى وكانت الزيارة ممنوعة، بس انت لما عرفت اني موجودة طلبتني أدخلك وقضيت معاك فوق النص ساعة من المرح والضحك وكأنك لست مريضاً وفي حالة خطرة".

وتابعت: "كنت قوياً ومتجاهلاً ما أنت فيه وتحكي حكايات من هنا وهناك كأنك تعاني من نزلة برد. ونزلت من عندك راضية بروحك المعنوية المرتفعة، لذلك كانت صدمتي كبيرة لما بسأل عنك تاني يوم قالوليإنتِ آخر صديقة شوفتيه في حالته الطبيعيةلأنه النهارده راح فى غيبوبة، طب ازاي ده؟ كان كويس امبارح بروحه العالية، ده كان بيضحك، ده كان بيحكي على نوادره مع صديقه محمود الجندي وعلى فلان وعلان، طب ازاي بسرعة كده؟ طب ازاي ازاي؟ سبحان الله (بين طرفه عين وانتباهتها يغير الله من حال إلى حال)".

وأضافت: "دموعي تتسابق مع نفسها ولا تريد تهدأ، طب ازاي وانت من أعز الأصدقاء للعيله كلها. وانهيار ابني عمرو بالبكاء عندما رأى النعش بتاعك أمامهوشريط ذكريات أونكل فاروق أمامه. الشهامة والرجولة والجدعنة انت يا فاروق وصاحب المواقف الصعبة مع كل الناس. مستحيل لم تترك بصمة مع كل من عرفك واقترب منك".

وختمت: "مع السلامة يا حبيبي، اللهم تقبله بقبول حسن وسامحه واغفر له واعفُ عنه وأجعل ليلته أجمل ليلة وثبته عند السؤال ونور قبره واجعله روضة من رياض الجنة، فليس هناك أحن منك علينا يا رحمن يا رحيم ".