تهديد علني لإعلامية لبنانية بالاغتصاب... وهي تنفجر غضباً وترد

27 حزيران 2019

ديمة صادق

تلقت الإعلامية اللبنانية ديمة صادق تعليقاً صادماً على أحد منشوراتها على موقع "تويتر"، حيث كتب أحد المتابعين: "بتستاهلي حدا يغتصبك".

وأحدث هذا صدمة كبيرة في أوساط المتابعين. ولم يمر التعليق مرور الكرام بالنسبة إلى الإعلامية التي ردت من خلال بيان نشرته على حسابها على "إنستغرام".

وكتبت معبرة عن غضبها: "تعرضت كتير لهجومات. بس هاي المرة كانت غير كل المرات. وقع كلمة الاغتصاب على المرأة مرعب، مرعب، أرعب بكتير من التهديد بالقتل. بس أنا كامرأة ليه عم اتعرض لهل انتهاك اللفظي؟ ليه؟ شو عملت أنا لأستحق هل شي؟ لأني قلت انو بدّي اللبناني المسلم والمسيحي يعيشو حد بعضهن؟ لأني قلت انو في إنسان مسكين عايش بخيمة خللينا ما نجرحوا بخطابنا وهجومنا؟ لأني قلت في أطفال بسوريا وباليمن عّم يموتوا؟".

وأضافت معربة عن استغرابها هذا التعليق: "شو عملت أنا لأتهدد بالاغتصاب والقتل والسب وتشكيك بالشرف؟ طيب حسلم جدلاً إنو أفكاري اللي عم دافع عنها غلط، بس أنا ما قتلت حدا، ما عنفت حدا، ليه عقابي بدو يكون انتهاك جسدي بدل نقاش فكرتي؟ أي مجتمع انتم وأي بيئة وأي أفكار سياسية و اَي كره عّم يزرعوا فيكن ليطلعوا منكم ابشع ما في الطبيعة البشرية ؟ لوين رايح هالبلد وهالمجتمع؟".

وتابعت: "ليه هالكره والبشاعة كلها ليه؟ مش مهم التهديد الشخصي لإلي، هيدا تفصيل صغير، بس الخوف الحقيقي إنه منسوب الكره بهل بلد صار لا بد لا بد من أخد تدابير مسؤولة للسيطرة عليه وإلا الكارثة جاي لا محال. أنا من جهتي ما عندي إلا جواب واحد: كل الحب لإلكم و الله يهدي اللي عّم يتبعوا هالخطاب".