إبنة فنان مصري تكشف عن حالتها السيئة بعد رحيله.. ما الرهان الذي خسرته؟

23 نيسان 2019 | القاهرة (لها)

إبراهيم يسري وابنته وزوجته مع سميرة سعيد

بكلمات مؤثرة أحيت هنا، ابنة الفنان الراحل إبراهيم يسرى الذكرى الرابعة لوفاة والدها، وشرحت حالها بعد رحيله.

قالت: "4 سنين.. في نفس الوقت ده بالظبط من 4 سنين صحيت على خبر غيرلي حياتي كلها.. ومن ساعتها والحياة عمرها ما رجعت زي الأول ولا عمرها هترجع .. أنا بقالي أسبوع مراهنة نفسي إني مش هحط صور ولا أكتب حاجة ولا حتى أفكر في الموضوع، بس خسرت الرهان كالعادة. اه.. وحشتني أوي يا هيما.. أوي.. أوي.. الحياة من غيرك صعبة!! صعبة أوي".

وأضافت: "عمري ما عرفت ولا فهمت معنى الوحشة دي غير لما سبتني.. عمري ما فهمت معنى الابتسامة اللي فيها وجع غير بعدك.. وحشاني ضحكتك الحلوة بزيادة، وحشني حضنك، وحشني حنيتك عليا، وحشني سؤالك عليا ودلعك ليا، وحشني حسك في البيت، وحشني إني أروح وأدخل عليك وأتكلم معاك.. وحشني صوتك"..

وتابعت: "أنا كل مابفرح او يحصل حاجة جديدة في حياتي، بجري عليك أحكيلك.. كل لحظة انت في بالي ولسة ابشارك معاك كل حاجة ويمكن أكتر كمان.. اللي مصبرني حب الناس الزيادة ما شاء الله ليك يا بابي. أنا في ناس بتحبني من غير مايعرفوني لمجرد إن أنا بنتك.. وللا كمية الكلام الحلو اللي بيتقال عليك وكمية حب الناس ليك مش عادي.. من جوة ومن برة الوسط.. يا رب تبقي عارف وحاسس.. كل يوم بعرف عنك حكايات تخليني فخورة أكتر وأكتر إني بنتك أنت مش بنت أي حد تاني.. أنا رأسي مرفوعة بسببك لفوق أوي يا بابي.. أشوفك على خير يا حبيب قلبي و نور عيني"..