ماذا قال أكرم حسني وأحدث ضجة على مواقع التواصل؟

03 آذار 2019 | القاهرة (لها)

أكرم حسني

بعد أن تردد في الفترة الأخيرة هروب أكثر من سيناريست من العمل على فيلم "الأوضة الضلمة الصغيرة"، بسبب تدخلات المخرج محمد سامي في السيناريو وفرضه رأيه على السيناريست الذي يعمل على الفيلم، سارع بطل الفيلم الفنان أكرم حسني بنشر بيان طويل على حسابه الشخصي بفايسبوك يدافع فيه عن مخرج العمل.

وقال في البيان: "رجاء من السادة الصحافيين المحترمين قبل ما ينشروا أي أخبار يحاولوا يتحروا الدقة قبل ما ينشروا.. للاسف انتشرت مؤخراً أخبار غير صحيحة تماما عن فيلم "الأوضة الضلمة الصغيرة" بتقول إن أكتر من سيناريست رفض يشتغل على سيناريو الفيلم بسبب تدخلات المخرج محمد سامي وده محصلش بأي شكل من الأشكال".

وأضاف: "أولاً: محمد سامي مخرج كبير ومحترم وأعماله هي اللي بتتكلم عنه وراجل بيحب شغله وبيهتم بكل تفاصيله ده غير إن فكرة الفيلم فكرته فبطبيعة الحال لازم يقعد مع السيناريست عشان يشرح له تفاصيل الفيلم والشخصيات وده في صميم شغله كمخرج.. ثانياً: تم ترشيح السيناريست هشام هلال من المنتج وليد منصور وهشام قعد معانا وسامي شرح له الفكرة وكنا بنقعد جلسات عمل كان سامي بيتعامل فيها بمنتهي الاحترام والاحترافية ودي حاجة أنا أشهد عليها".

وتابع: "ثالثاً: لما اختلفنا مع هشام هلال (كسيناريست) لأني على المستوى الشخصي مشفتش منه أي حاجة وحشة اعتذرنا له بمنتهى الذوق والاحترام من خلال المنتج وسامي رشح السينارست المحترم كريم حسن بشير اللي خلص لنا السيناريو في زمن قياسي وبمنتهي الاحترافية.. رابعا وأخيراً: الشغل ده رزق ومش مفروض أبدا لما نختلف فيه نتكلم عن بعض وحش وندعي حاجات محصلتش".

واختتم بيانه الطويل بقوله :"أنا بقول الكلام ده إحقاقا للحق وعشان تبقي الصورة واضحة قدام السادة الصحافيين عشان تبقي قدامهم الصورة كاملة.. دعواتكم لينا عشان نقدم لكم عمل يليق بيكم ويحترم دماغكم ويسعدكم لأننا بنعمل شغلنا بمنتهي الحب وآسف للإطالة".