طليق غادة عادل يتغزل بهذه الفنانة.. ما القصة؟

شارك المخرج مجدي الهواري، طليق الفنانة غادة عادل، على حسابه بإنستغرام صورة للفنانة روبي على أفيش مسلسلها "أهو دا اللي صار".

وعلق على الصورة بمنشور طويل كان به غزلا فنيا واضحا لروبي قال فيه: "سؤال محيرني هي ليه حد بحجم موهبة روبي في التمثيل مش واخدة حقها عندنا!! يمكن علشان مابدأتش بالأعمال العظيمة زي فاتن حمامة ولا زي الساحرة سعاد حسني وكتير كتير هنا وبره جاتلهم الفرصة من أول يوم ولا علشان الانطباع الأول بيفضل مسيطر".

وأضاف: "من وجهة نظري ديه لو برة وبحجم موهبتها ديه وسنها الصغير ده ممكن تبقى واحدة من الكبار.. أوي.. وخالص.. لأنها صوت وصورة وإحساس وطعم معندناش زيه.. وزي العالميات وكتير منهن!! مش عايز أذكر حد من هنا علشان مبقاش الدبة اللي كلت صاحبها وبدل ما البوست ده يبقى في مصلحة روبي يتحول ضدها لو جبت سيرة حد من عمالقة النجمات في العقود الأخيرة من تاريخ الفن المصري وعقدت مقارنة لا قدر الله ولا سمح الله ولا حاجة".

وتابع: "كلهم كانت بدايتهم مش جامدة خالص وتألقوا بعد كده وأثبتوا إنهم موهوبين زي روبي في المسلسل اللي بيتعرض دلوقتي ومحدش كتير واخد باله منه.. وسحر التمثيل اللي بتمثله وإزاي بيفصلك عن عملك وصناعتك وتطير معاها بإحساس موهوبة إلى عالم التصديق!! ومش هاخاف وأنا بقول كده بكل شجاعة، ومش هيهمني الناس اللي شايفة ده ومش قادرة تقولوا، علشان هي يا عيني معملتش دور في حياتها يخلينا نقدرها بالشكل الكافي، وحتى لو كانت بدأت بـليه بيداري كده" !!

وأكمل رسالته "براڤو روبي am a big fan، إجابة السؤال أهو ده اللي صار.. حد فاهم حاجة".

View this post on Instagram

A post shared by Magdy Elhawary (@magdyalhawary) on Feb 16, 2019 at 10:08am PST

لترد عليه الفنانة نسرين أمين بقولها: "عشان مافيش عدالة في إعطاء الفرص.. مش في المجال الفني بس ولكن في كل المجالات. ودي حاجة قديمة وموجودة من زمان بس دلوقتي بقت سائدة، عشان كده لما بتيجي فرصة كويسة للفنان المناسب بيلمع نجمه ويلفت الانتباه. على عكس الأدوار والأعمال المتفصلة لتنجيم فلان أو علانة، عمرها ما علمت ولا حد افتكرها.. برافو روبي".

مقالات ذات صلة

فنانة شهيرة تثير الجدل بانتقادها لأعمال عادل إمام الفنية

خاص لها - بشرى تكشف تفاصيل تعرّضها للتحرش

مجدي الهواري غادة عادل ومجدي الهواري روبي نسرين امين نجوم مصر نجوم الفن