إبنة شريف منير تحسم الجدل وتعلن انفصالها عن خطيبها بكلمات مؤثرة

21 آذار 2018 | القاهرة (لها)

اعلنت اسما، ابنة الفنان شريف منير، إنفصالها عن خطيبها الفنان الشاب محمود حجازي بشكل رسمي، من خلال حسابها الخاص على "فايسبوك"، رغم نفي الأخير للأمر.

وكتبت الشابة: "طيب الموضوع اتقال فيه كلام كتير، وأنا بعترف إني سبب اللخبطة دي، الرجالة مبتعملش الحاجات اللي إحنا كستات بنعملها، اللي هو أزعل انزل بوست ألقح بيه عليه، قال يعني مش ليه وكل الرجالة بتكره الحركة دي، وأنا بس دلوقتي بعترف إنهم عندهم حق، غير بقى إني بنسى موضوع الأخبار ده، فالتلقيح أو كلام الزعل بالنسبة لي بينتشر، وكل حد بيقول رأيه بكل قسوة".

وأضافت: "الموضوع فعلًا في الآخر اتنين حبوا بعض وارتبطوا قدام الناس كلها، ومشينا في مشوار خطوبتنا زي أي اتنين، كبرنا مع بعض وبِينَا حاجات كتير حلوة، وبرضه زي أي اتنين حصل بينهم مشكلات وطبعًا انتوا عارفين التسرع الله يخرب بيته فلما كان في عدم اتفاق من فترة نزلت بوست ومسحته علطول عشان كان وقت عصبية وكان لسه في أمل بس من ساعتها وفي توتر".

وتابعت: "الناس قالت كلام كتير وحش وكملنا واكتشفنا أنه في عدم اتفاق مش عشان إن حد وحش ولا موقف ولا حاجة لحد ما أخدنا القرار بس مكناش اتفقنا على إعلان ده إمتى فأنا نزلت وأعلنت ده بس في توقيت غلط مني بكل صراحة أنا لازم أكون أمينة في ده".

وختمت كلامها: "عمومًا هو محصلش نصيب بس إحنا بنحترم بعض، حجازي إنسان محترم جدًا وبتمنى له السعادة والنجاح إحنا بِنَا عشرة طيبة ونجاحات وحب وأكيد خير لينا، هو ده الموضوع بكل بساطة، ممكن بقى منتكلمش فيه تاني لو سمحتوا، أنا اتعلمت درس كبير إن الخصوصيات مش للنشر والحسد برضه مذكور في القرآن لسبب، الحمد لله بس كده".