ما عاد لي

ما عاد لي بمطارد الصّيد حاجه

                                  إلاّ غزالٍ صادني قبل اصيده

ريمٍ لبس في عالم الزّين تاجه

                                  عزّاه داري عن دياره بعيده

خشفٍ طعن قلبي وعنده علاجه

                                  ما له سلاحٍ غير عينه وجيده

إلَى اظْلمت دنياي ولّع سراجه

                                  يمشي علَى دربه فوادٍ يريده

يا عاذلين القلب هذي سذاجه

                                  خلّوني آحبّه واحبّه وازيده

القلب قلبي والمخالج (1) خلاجه

                                  وكثر الحكي يا اهل الحكي ما يفيده

(1) المخالج: خلجات القلب.

مقالات ذات صلة

لا ترحلي

أحَبّ الناس

الأمير خالد الفيصل