إبنة السيدة فيروز تهاجم إليسا... وما قالته عن شكلها صادم

15 كانون الثاني 2018

كتبت المخرجة ريما الرحباني، إبنة الفنانة فيروز، عبر حسابها على "فيسبوك": "بعيد الشر عن قلبو ومع مين بدنا نتسلى الليلة؟ أنا بقول حط عقلو براسو وعم يطبع ديوان الشعر بلكي الطبعة الأولى منهديها لإليسا تغنيها مللي بتحل عن أغاني فيروز ومللي حرام بيجلس تما شوي".

وجاء هذا رداً على تعليق أحد المتابعين على آخر ألبومات والدتها.
وكانت ريما توجهت بالشكر إلى متابعيها وردّت على اقتراحات وآراء عدد كبير منهم.

ومما كتبت: "سعيدي ويسعد مساكن. أوّل شي بدي قلّكن ميرسي كتير أنا كمان كتير اشتقتلكن. تاني شي بدّي خبّركن إنّو علمي علمكن بخصوص السي دي والنسخ والطبع وبأيّة بلاد نزل أو ليه ما نزل والتسويق والترويج وكم نسخة إنطبع أو ما إنطبع. أنا سلّمت شركة "ديكا" تإرتاح من النق. فرجاءً اللي حابب ينق يتوجّه لديكا وأنا بنق معو".

وعلى الإثر واجهت ريما موجة من الانتقادات. وردت على ذلك بتعليق آخر وكتبت: "في ناس اعتقدوا إني اختفيت ومش راجعة. وإذ... بونسوار. وكمان اعتقدوا إنو إذا بيشنوا هجوم عليي بيسكتوني أو بيخوفوني أو بيزعلوني. ما عارفين يا حرام إنو آراءهن مش قاريتا ولا عندي وقت اقراها لأني أنا بالقليلة بشتغل! منيح وحيش".

وأضافت: "الزمن بيقول أكيد مش هني، بس هني شو عاملين أو شو بيعملوا؟ غير التنكيش بالبوستات اللي ما الن فيها؟ مين اللي قاعد فاضي وراضي كلما نطقت بحرف إن كان ببوست أو بكومنت مخفي تحت سابع أرض. إن كان مزح وهزار أو إن كان جد. بياخدو بيصيغ منو خبر ع ذوقو وبيجيش هالناس ضدي. عن جد كتير حلو ميرسي. كتير هاي في ناس بيدفعوا حقا مصاري.. أنا طالعتلي ببلاش، أنا وقاعدة بالبيت وبكبسة زر! لا علاقات عامة ولا عشوات ولا غدوات ولا مقابلات".