بعدما منعته من رؤيتهما - طليق نوال الزغبي يتوجّه لطفليه على مواقع التواصل... ماذا قال؟

16 كانون الأول 2017

نشر طليق الفنانة اللبنانية نوال الزغبي، إيلي ديب، عبر حسابه الرسمي على "فايسبوك"، صورة قديمة ونادرة له برفقة توأمه جوي وجورجي.

وعايد ديب طفليه من الزغبي، بمناسبة عيد ميلادهما الـ16، مُعرباً عن شوقه الكبير لهما.

وكتب: "جورجي وجوي اليوم عيد ميلادكم، صار عمركم 16 سنة، 16 سنة يعني صرتوا شباب كبار، وشو كنت حابب نحتفل بهالمناسبة سوا، خصوصي من بعد سنة وشهرين محروم شوفتكم بس للأسف مش طالع بإيدي شي".

وأردف: "عم عيّدكن، من جهة مبسوط فيكن عم تكبروا، ومن جهة حرقة بقلبي انكن بعاد عني وما بعرف شي عنكن، ما بعرف قديش كبرانين قديش صار طولكن، قديش صار وزنكن وصحتكن كيف، وشو وضعكن بالمدرسة".

وختم ديب قائلاً "هيدي الحرقة الله يسامح يلي كان سببها، ما رح قول أكتر من هيك، بس بالنهاية أنا مأكد إنو ما بيصح إلا الصحيح وكل عمري بقول الله كبير والله عالظالم... عقبال المية يا أغلى ما عندي... مشتقلكن كتير".