حمل نجمة "أراب أيدول" في خطر... هكذا وصفت حالتها الحرجة وتفاصيل مرضها

16 تشرين الثاني 2017

نشرت نجمة "آراب أيدول" إيناس عز الدين، عبر حسابها على "فايسبوك"، رسالة إلى متابعيها أعلمتهم فيها بأنها تعاني من حالة صحية صعبة أثناء حملها. وأرفقت الرسالة بصورة ليدها أثناء وجودها في المستشفى.

وكتبت: "من كل قلبي بشكر كل الناس اللي كلموني وبعتولي رسايل علشان يتطمنوا عليا وبتعذرلهم إني مش عارفة أرد لأني فعلاً بكتب بالعافية بالإضافة إن صوتي مش طالع عارفة إن ناس كتير عايزين يعرفوا أنا تعبانة فيا إيه وقلقانين عليا".

وأضافت: "أنا في ابتلاء شديد أوي بس ربنا قادر يقومني منه وارجع تاني أقف على رجلي. ناس كتير عارفين إي من زمان عندي مشاكل مش بتخلص في القولون إني عايشة على علاج معين بقالي سنتين علشان آكل وأشرب بدون نزيف وكتير منكم عارفين إني كنت حامل من أربع سنين في نهاية الشهر الثالث في تؤام ووقعت على السلم وقعة شديدة ونبضهم توقف وأُجهضت ومن بعدها جتلي فوبيا الحمل ولمدة أربع سنين وقفت حمل من الخوف وكنت رافضة أحمل تماماً و ربنا أراد أن يحصل حمل وقررت أسيبه وأخطى حاجز الخوف بس للأسف أنا عندي قرحة مزمنة في القولون وبنزف من وقت للتاني ومن بعد الحمل جسمي لم يتحمل الحمل وأعراضه خاصة إني وقفت علاج القولون بقالي أكتر من شهر".

وتابعت إيناس: "علشان فيه خطورة منه على الجنين وللأسف توقف العلاج ضرني جداً وعندي نزيف قولون... بقالي أسبوع في المستشفى عايشة على المحاليل فقط... والحمل زود الوضع سوء جداً وحالتي لن تحتمل الحمل وعدم أخذ العلاج اللازم والوضع بقى خطر على حياتي".

وأشارت إلى أن الأطباء أجمعوا على أخذ كل الإجراءات اللازمة للحفاظ على حياتها وإن على حساب الجنين.

وكشفت: "هاخد أدوية خطر جداً على الجنين وبنسبة 80% هيتم الإجهاض" وختمت: "ادعولي المحنة اللي أنا فيها ربنا بقدرته يحولها لمنحة ليا. أنا مؤمنة بيه وبقضاؤه وبحمد ربنا إني لو فاضل في عمري أيام هعيشهم وسط أهلي وجوزي والناس اللي بيحبوني بجد ومستعدين لو كان في ايديهم إم يدوني من عمرهم عمر. ألمي النفسي أشد قسوة و إيلاماً بكثير من ألمي الجسدي عليا ان اختار بين الحفاظ على حياتي والحفاظ على حياة ضنايا".

كما أضافت في وقت لاحق عبر حسابيها على "تويتر" و"فايسبوك" هذا التعليق: "يارب هون عليا الوقت تعبانة أوي يارب".